Fabiano Lima chega ó Celta

O fin o noso clube conseguiu pechar a fichaxe do tan desexado xogador de banda que demandaba Pepe Murcia. Este xogador é Fabiano Lima que chega cedido por un ano polo Génova previo paso polo Reggina no cal tivo unha fugaz estadía. Trátase dun xogador de longo percorrido xa que pode ocupar as posicións de lateral e de interior esquerdos, ten 29 anos mide 1,75 metros e pesa 67 quilogramos. A presentación terá lugar mañá pola tarde.

Ghilas estará coa súa selección ata o xoves

Kamel Ghilas non asistirá ao enfrontamento do Celta ante o Zamora de mañá ao estar convocado  con Arxelia para xogar un amigábel ante os Emiratos Árabes Unidos.

O media punta esta sendo unha das sensacións do equipo nesta pretempada. O que sen dubida será un dos mellores do plantel será para a negativa do afeccionado as continuas marchas como a que fixo onte a Francia para xogar co país africano. O primeiro problema para contar co xogador esta nas primeiras datas. Se o seleccionador Rabah Saadane o chama para uns encontros de preparación coincidentes cos partidos ante o Castellón en liga e Alacante en copa, o ex do Victoria de Guimaraes perderase eses dous encontros oficiais.

Celta 0-0 Numancia

O Celta volveu a levarse outro torneo de verán ao derrotar os de Soria nos penaltis. Tan só dous cambios do Celta debido as numerosas baixas. Perera entrou no min 82, parece que o futuro do pacense non estará en Balaídos.

Empate sen goles nun encontro no que ambos xogaron a mesmas bazas. Moita posesión intercambiada polo xogo de bandas e moita paciencia pero sen chegadas claras por ámbolos dous clubes. Danilo fixo un bo encontro, asistiu as ocasión máis claras do Celta durante os minutos que xogou, como dous centros a medida para Ghilas e posteriormente para David pero os dous chuts saíron fora.  O Numancia o intentou pero estivo lixeiramente por detrás do xogo celeste que a igual dos locais non atopaban o último oco por onde metelo pase final.

Trashorras e Ghilas fixeron moi bo encontro e seguen con ese nivel que levan durante toda a tempada, tamén cabe nomear o traballo de Rosada que vai a máis dende que asinou polo club de Vigo a mediados de Xaneiro.

Tralo empate de 0-0, Trashorras, Fajardo, Perera, Abalo e Lago anotaron os seus penaltis e deron o trofeo aos locais que suman así o seu decimosegundo Memorial Quinocho.

Le a noticia »

Fabiano e Óscar Díaz os últimos en soar

O Celta segue na procura das últimas fichaxes que pechen o plantel para este novo curso 2008/09. Un central, un lateral esquerdo, un interior dereito polivalente e un dianteiro son as pezas que busca Ramón Martínez.

O preferido e o último en soar para o lateral esquerdo é o brasileiro Fabiano, ex-compañeiro de Danilo no Genoa. O carioca entrou a principio de pretemporada nun intercambio entre o o Genoa e o Reggina en condición de cedido, pero o Reggina parece non contar con el. Fabiano é un lateral ofensivo que tamén pode actuar como interior.

Para a posición de interior dereito o favorito é Óscar Díaz. O xogador pertence ao Mallorca pero Manzano non conta con el e se lle busca unha saída na segunda división. O xogador cumpre perfectamente as características buscadas pola secretaría técnica, xogador de banda dereita que poda xogar pola esquerda e, incluso na mediapunta.

Nas vindeiras datas teremos novas noticias sobre estes xogadores e novos movementos en Casa Celta.

Goran Maric firma polo filial blaugrana

O xogador “serbogalego” estará baixo as ordes do ex xogador Luis Enrique. O dianteiro deixa o Celta despois de estar 21 anos ligado a el, tanto sendo socio como xogando no filial e nas categorías inferiores. O máximo goleador da categoría de bronce pensaba só asinar para un equipo de Segunda esquecéndose de filiais, pero a ruptura de negociacións co Alavés fixo que se decantara polo Barça B.

Isto pode favorecer a cesión de Iago Falqué a Vigo. O zurdo galego ve positivo a marcha ao equipo da súa terra.

Por outra banda pero continuando coa dianteira, Perera esta baixo o interese do Albacete, equipo onde triunfou nos seus comezos. Ademais do Albacete, o Nástic e o Elxe queren o dianteiro que anotou quince goles no ano pasado. Perera segue gardando silencio, pero el mesmo quere deixar a cidade de Vigo.

Detrás das cámaras

O día da presentación Mouriño tiña pensado dar un discurso aos 2000 afeccionados que acudiron a velo equipo 08/09. Pero a súa charla non puido facerse pública debido a un sector ben amplo de seguidores celestes, que recibiron ao actual presidente con unha chea de asubíos e cánticos tipo: !Mouriño vaite xa!

No mesmo sábado puidemos ver coa camiseta do equipo vigués xogadores como Roberto e George Lucas. Os dous brasileiros están con pe e medio fora da disciplina o ano que ven, pero acudiron a presentación porque o club pediulles que asistirán a cita. O fixeron cos dorsais 24 e 25, unha inxustiza para ámbolos xogadores, sobre todo para Lucas que parece estar moi comprometido co Celta.

Richi, que caiu fai unhas semanas nunha lesión grave que no lle permitirá xogar ata dentro de seis meses, tamén foi o sábado a Balaídos en vez de estar en cama como debía estar.

Danilo foi presentado coa elástica celeste o sábado. O domingo debutou co Celta no amigábel ante o Marítimo é o fixo como titular. Non só foi ese o dato, ademais foi o encargado de executar as faltas aínda con Trashorras no campo.